ෆැන්ටසියක කෙලවර සැබෑව !!

 

                 ස්ත්‍රිවාදි fantasyය "

ස්ත්‍රියකගේ ආශාව කුමක්ද? එයට සෘජු පිලිතුරක් ලෙස මෙලෙස සූත්‍රගත කල හැක..ඇගෙ ආශාව ශුද්ධ ආශාවයි !(Pure Desire).එනම් හිස්බවයි !(Nothig).මෙම හිස්බව ඇගේ බාහිර අනෙකාට පමණක් නොවේ ඇයට පවා දරාගත නොහැක්කකි.පුරුෂයෙකු ෆැන්ටසි කරන්නෙ මෙම හිස්බව පුරවාලීමටය.එනම් එය අර්ථයක් මගින් පිරවීමට හෝ මෙම හිස්බවට කුමක් හෝ හැගීමක් ලබා දීමටය.ඒ අනුව මෙම ෆැන්ටසිය මගින් පුරුෂයා ස්ත්‍රියකගෙ ආශාව කුමක් දැයි නම් කර ඊට දිශානතියක් හා හැගවුම්කරණයක් ලබා දෙයි.බොහෝ වෙලාවට පිරිමියා අබල දුබල හෝ මිය යන්නෙද මේ නිසාය..

ආශාව ගැටලුවක් නම් ෆැන්ටසිය ඊට පිලිතුරයි !ෆැන්ටසියෙ මූලික ලක්ශනය වන්නෙ එහි "අප සිතන දේ ඒ ආකාරයෙන්ම සිදු වීමයි.."එහිදි අපගෙ සිතුවිලිවලට අනූව ෆැන්ටසිය සහ බාහිර යථාර්තය එකකි.ආශාවෙ අඩුව නිසා එය ක්ශතියක් වන මුත් ෆැන්ටසිය තුල කිසිදු අඩුවක් නැතිව සිතන සියල්ල ඒ ආකාරයෙන්ම සිදුවේ.ෆැන්ටසිය ආශාවේ උගුලින් පැන යාමට ප්‍රයත්න දරන මුත් ඊට ඉන් සම්පුර්ණයෙන් ම ගැලවිය නොහැක.

ස්ත්‍රියකගෙ මෙම ෆැන්ටසිය ගත් විට සුන්දර ලෙස තම ශරීරය විලාසිතාවලින් දවටාගෙන සිටියත් ධනවාදී වෙලෙදපොලෙහි බඩු භාණ්ඩවලින් පුරවාගෙන  සිටියත් එපමනින් ඔහුට ස්ත්‍රියකගේ ආශාව දැල්විය නොහැක.මෙ නිසා ෆැන්ටසිය එහි උච්ච ස්ථානයකට විත් කඩා වැටෙයි.මෙ නිසාම ස්ත්‍රිය තම ජිවිතයේ නිස්සාරත්වය පිලිබදව  නිතර දොඩයි. ඇතැම් ස්ත්‍රීන් තම විවහක ස්වාමියාට තමාගේ ආශාව සාලකුනු කර ගැනීමට නොහැකිව වියැකී ගිය කල්හි,තමා වටහාගත හැකි පිරිමියෙක් දෙසට හැරෙයි.

විනෝදය ඉතිරී ගලන සමකාලීන පරිභෝජන ධනවාදී සමාජයක් තුල මෙය කෙතරම් දුරට ගමන් කරනවාද යන්න කියතොත් අප අවට පවතින සමාජ යථාර්තය හා ෆැන්ටසි යථාර්තය අතර වෙනස පවා අතුරුදහන් වෙයි..මත්පැන් මත්ද්‍රව්‍ය,සල්ලි,කාමය,රාගය,සංගීතය,න‍ර්තනය,නියෝන් ආලෝකය,විශාල ශරීර ඇති තිරිසනුන් මෙන් හැසිරෙන පිරිමින් දක්නට ලැබෙයි..බොහෝ විට මෙවැනි සමාජයක් තුල ස්ත්‍රියගෙ ජිවිතය නිශාචරය.ඒවා බොලිවුඩය හෝ හොලිවුඩ් හී පෙන්වන ආකාරයේ විදුලි කෙටීම් සහිත අසමාන පෙම්කතා නොවෙති.(එහිදී සිදුවන විදුලි කෙටීම් හමුවෙ පෙම්වතා හෝ පෙම්වතිය එකතු වේ නැතිනම් වෙන් වේ..ප්‍රේක්ශයා සතුටින් හෝ දුකින් පිටව යයි.)එ කෙසේ වුවත් සමකාලීන ෆැන්ටසිමය යථාර්තය තුල පිලිබිඹුව ඊට හාත්පසින්ම වෙනස් ය.ස්ත්‍රි හිතවාදී විචාරකයා මුසුප්පුවන ලක්ශය අපට හමුවන්නෙ ඉහත දැක්වූ තිරිසනුන් මෙන් හැසිරෙන පිරිමියා එක්තරා මොහොතකට පසු ස්ත්‍රී ශුද්ධ ආශාව( Pure Desire)විසින්ම ඉල්ලා සිටින තත්වයක් වීම ගම්‍ය වන නිසාය.නමුත් ස්ත්‍රීන් ඉදිරියේ පිරිමින් කුමන ආකාරයකට(ලිංගිකත්වයේදී) හෝ ප්‍රචණඩ වීම පිලිබද අදහස තවමත් සදාචාරවාදිය.ඊට අනූව "පිරිමියා"ස්වභාවිකවම සෑදි ඇත්තේ ප්‍රචණ්ඩවීමටය.මෙහිදි ස්ත්‍රිය තමන්ගෙ චිත්ත විශාදයෙන් ගැලවෙන්නෙ ම පිරිමියා විසින්  නිකුත් කරන ප්‍රචන්ඩකාරීත්වය හමුවෙය.නමුත් ඉන් ස්ත්‍රියගේ  "ආශවේ ප්‍රෙහෙලිකාව" පූර්ණව විසදිය නොහැක.ඉහත දැක්වූ තිරිසනුන් මෙන් පිරිමින් ස්ත්‍රීන්ගේ ආශාවේ ගැටලුව විසදීමට පැමිනීමෙන් ගම්‍ය වන්නෙ ඔවුන් ඒ කාර්‍ය සදහා වඩාත් සුදුසු බව නොව ඔවුන් එ ගැන හැගීමක් හෝ ඇතිකරන නිසාය.ඒ අනුව ප්‍රචණඩත්වය තුල සැබෑ විකාර සහගත ගොදුර පුරුෂයා මිස ස්ත්‍රිය නොවේ.මෙම තත්වය සාම්ප්‍රදායික ස්ත්‍රිවාදීන්ව සසල විය හැකි තත්වයකි.

විනෝදය ගලන සමාජයක් තුල ෆැන්ටසිය සහ යථාර්තය අතර වෙනස අතුරුදහන් ව ගොස්ය.ස්ත්‍රිය !ඇගේ ශරීරය කෙරෙහි කෑදර සහ කාමුක ලෙස ආශක්ත වන ,විනෝදය පමනක් දත් පිරිමින් ඇගේ ශරීරය වෙනුවෙන් ඕනෑම දෙයක් කැපකරති,මිනීමරාගති.නමුත් අප වටහාගත යුත්තේ පුරුෂයාගේ මෙම ප්‍රචන්ඩත්වයට අරුතක් ඇති බවයි.මෙම ප්‍රචණඩත්වය නැති විට  "ස්ත්‍රියගෙ ආශාවට"අර්ථයක් ලගා කරගත  නොහැකිය.ජිවිතය,කාමය රාගය,මත්ද්‍රව්‍ය උතුරා ගලන්නෙ ඒවා වටහාගත නොහැකි ස්ත්‍රී ආශාවට උත්තර බදින නිසාය.සමකාලීන ප්‍රේම සබදතාවල පෙම්වතා හා පෙම්වතිය අතර වචන අඩු වී ඇත්තේ ඔහු ඇගේ ආශාව "සංකේතියව" නම් කිරීමට නොදන්නා නිසාය.අප තේරුම්ගත යුතු යථාර්තය වන්නෙ අප දකින යථාර්තය නම් චිත්‍රයේ කැන්වසය යටින් දිවෙන "අශ්ශීල ලෝකයයි."අපගේ පරමාදර්ශී ලෝකයට  අශ්ශීල පිටපතක් අනිවාර්යයෙන් පවතියි.ඒ අනූව එතුල ස්ත්‍රීන් "සදාචාර නොවිය" යුතුයැයි ෆැන්ටසිකරණය කරන පිරිමින්ගේ ලොකුම බලාපොරොත්තුව වන්නේ "සදාචාරවත්ම ගැහැණිය" වන බව සියලු ගැහැණුන් දත යුතුය.!!

                                                (සදලි කොස්තා)