මා ඈ දකින විට ලොව සියල්ල එකම මොහොතක ආලෝකයකින් ඒකාලෝකමත් වී මිනිත්තු භාගයකින්,එක් නිමේශයකින් සියල්ල එක තැන නතර වූවා සේද,නතර නොවුනු එකම මානවයන් දෙදෙනා ඇයද මාද පමණක් ම බව මට සිතුනි.එක් නිමේශයකින් සියල්ල යථා තත්වයට පත් වූ අතර ඇත්තවශයෙන්ම නතර ව සිටියේ මා වටා ඇති සමස්තය නොව මා බවද මට අවබෝධ විය.
ලයනල්වෙන්ට් පුර දොර අසලදී මට හමුවුන ඈ සැබැවින්ම මිහිබට දෙව්ලියක විය.පුරුෂ හදවත් ප්රේමයෙන් දවාලන්නටත් රාගයෙන් මුසපත් කරන්නටත් සමත් ඈ ක්ලියොපැට්රාවක් විය.අනංගයාගේ බිරිද රතී දිව්යාංගනාව බදු විය.ග්රීසියේ වීනස් දෙව්දුව ඈ හා සම කරන්නට ඒ මොහොතේ මා පසුබට නොවූ බව මා කිව යුතුමය.
හංස රාජිනියක් බදු ඇගේ දිගුවන් ගෙලද දීප්ත කාලවර්ණයෙන් බැබලුනු ඇගේ දිගුවන් වරලසද කියා පෑවේ සැබෑම පංචකල්යානයයි.
එදා ලයනල්වෙන්ට් හී මට හමුවුනු ඈ කාලයාගේ ඇවෑමෙන් මාගෙ බිරිද වූ අතර මට දාව උපන් දරු දෙදෙනෙකුගෙ මවද විය.ඈ හා විවහ වූ දා සිට මෙ දක්වා කාල පරාසය තුල මා ක්ලියෝපැට්රාවකටද ,වීනස් දෙව්දුවකටද හංස රාජිණියකටද සමකල ඇගේ අතිමහත් රූපශ්රිය ඇගෙන් බිදෙන් බිද ගිලිහී ගියේ පරවුණු මල් කැකුලක පෙති බිදෙන් බිද ගිලිහී පොලොවට පතිත වන්නාක් මෙනි..තවමත් 27 වියැති ඈ තාරුණ්යය හා ජවයෙන් හීන වූ තැනැත්තියක වූවද ද මා ඇයට සාපේක්ශව බලන කල තාරුණ්යෙන් හා ජවයෙන් ආඩ්ය බව හැගුනු අවස්තා බොහෝය.එදා අතිමහත් සුන්දරව දුටු ඈ අද නීරස එකියක යැයි" හැගුනු අවස්තා බොහෝය.දවසේ පැය විසි හතර පුරාම ඇය දරුවන් පසුපස දුවමින්ද ගෙදොර වැඩපල කරමින්ද දවස අවසානයෙ ගැඹුරු නිද්රාවකට පත්වෙමින් ද දවස අවසන් කලාය..
හායි !අතිශය රූමත් තරුණියක මා ආමන්ත්රණය කරමින් මා අසල රැදී උන්නාය.දස වසරකට පෙර මා බිරිදගෙ ඉහත කී මතකාවර්ජනය එක් නිමේශයකින් සිද බිද දමන්නට, අද ලයනල්වෙන්ට් හී මට මුනගැසුනු සුකුමාලිය සමත් වුවාය..
දෙවියනි! ඈ නම් පින්නෙ පිපුණු මලක් මෙන් චමත්කාරජනක විය.අතිශය සුන්දර ඈගේ දෙනෙත් නීල මාණික්යන් බදු විය.මෙවැනි රූපශ්රීයක් මා කෙදිනකවත් දැක ඇද්ද යන්න මට නිනව්වක් නැත.මෑ අතිශය රූමත් අතිශයෝක්තියෙන් වර්ණනය කල හැකි වූද කවියක් බදු වූද,අහ්ලාදජනක ලලනාවක් විය.නැවත පියවි සිහියට පැමිනි මා..
හායි! කවුද ඔයා?මද සිනාවක් පාමින් මම ඇගේ කිරිගරුඬ පැහැ දෑත් සෙමෙන් අල්ලාගනිමින් විමසුවෙමි !!
- සදලි කොස්තා-
